தமிழில் வருகிறது ஸ்ருதியின் தெலுங்கு படம்

மகேஷ்பாபு நடித்த 'செல்வந்தன்' படத்தையடுத்து அவர் தெலுங்கில் நடித்த 'ஆகடு' படம் தமிழில் 'இது தான்டா போலீஸ்' பெயரில் வெளியாகிறது. தமன்னா ஹீரோயின். இதில் ஒரு குத்து பாடலுக்கு ஸ்ருதி ஹாசன் நடனம் ஆடி இருக்கிறார். இதற்காக இவர் ரூ.50 லட்சம் சம்பளம் வாங்கினாராம். நாசர், ஆசிஷ் வித்யார்த்தி, சோனு சூட் உள்ளிட்டோர் நடிக்கின்றனர். எஸ்.எஸ்.தமன் இசை. பத்ரகாளி பிரசாத் தயாரிப்பு. சீனு வைத்லா இயக்கம். இப்படத்துக்கு வசனம் எழுதியிருக்கும் ஏஆர்கே.ராஜராஜா கூறும்போது,'போலீஸ் அதிகாரி அனாதை சிறுவனை எடுத்து வளர்க்கிறார். அவனுக்கு போலீஸ் ஆக ஆசை. எதிர்பாராதவிதமாக அவன் சீர்திருத்த பள்ளிக்கு போக வேண்டியதாகிறது. அவனது ஆசை நிறைவேறுகிறதா' என்பது கதை' என்றார்.